236. Neno Lako Bwana Wetu

1. Neno lako Bwana wetu,

   umande wa mioyo, 

   uinyweshe miche yote 

   katika shamba lako. 

   Ikinyweshwa itakua, 

   baadaye itazaa,

   matunda mema sana.


2. Neno lako ni upanga

   linapenya mioyo.

   Ni shoka kali, lachanja 

   kiini na mifupa. 

   Twakuomba; Neno lako

   likomeshe makosa 

   litusafishe sisi.


3. Neno lako Bwana wetu

   ni nyota yenye nuru. 

   Linafundisha wajinga, 

   wajue njia yako.

   Nuru yako itung’aze 

   isizimike kwetu; 

   ila ituangaze.


4. Uwape watu wote njaa 

   ya kusikia Neno. 

   Uwape kiu ya roho 

   walikubali hilo.

   Neno lako lashibisha

   wanaolitumia,

   kuwa chakula chao.


5. Neno lako litangazwe

   katika pande zote,

   utume mitume wengi 

   walihubiri pote

   Uwaamshe walalao 

   walikubali wote

   Neno lenye uzima.

Comments

Post a Comment

Popular posts from this blog

230. Mwezi Umechipuka

1. Mwezi umechipuka     na nyota zamulika     mbinguni popote.     Makonde yote kimya,    na kunako mabonde     ukungu mzuri unakaa.  2. Dunia imekuwa     nchi ya utulivu,    ni nyumba ya raha.    Viumbe vyenye taabu,    waume, wake, wana    na watulie usiku. 3. Tukiwa na kiburi,     tu wakosaji sana,     wapuuzi kabisa.     Twatunga vya uongo,    na maarifa yote    yametutenga na Mungu. 4. Utuonyeshe, Mungu,     wokovu wa kikweli,    tusijidanganye!     Tukae duniani    kama watoto wema     wamtegemeao Baba. 5. Na sasa ndugu zangu,     tuende kujilaza    kwa Jina la Mungu.     Atupe usingizi    sisi tuliochoka,    hata majirani wote!
Read more

151. Ee Moyo Wangu, Hima

1.  Ee moyo wangu, hima,     enenda mbinguni!      Ulimwenguni humu      hapana pa raha.     Mchungaji wetu Yesu     achungapo kondoo     ni penye raha kuu.      Enenda mbinguni! 2. Yeye akupokee,     Mungu Baba yako,     akuketishe pake     katika enzi kuu.    Atakuvika nguo    za wongofu wa Mungu,     akupa raha kuu.    Enenda mbinguni! 3. Nakutamani sana    Mwana Kondoo Mungu!     Ningepata mabawa     ningeruka pale,    wanaposhangilia     malaika wake Mungu     katika raha kuu.     Enenda mbinguni! 4. Mapenzi yako Bwana     ndizo haja zangu,     Utakalo lolote    nami nitatenda.    Naingojea siku     utakayoniita,     nipate raha kuu!...
Read more