224. Kukichwa Watu Wote

1. Kukichwa watu wote

   na wanyama nyumbani 

   na ndege walala.

   Ee moyo wangu sasa 

   uanze kufikiri 

   ninavyompendeza Mungu.


2. Jua limeingia, Giza limetokea, 

   usiku karibu. 

   Jua lingine sasa 

   lang’aza moyo wangu:

   Ni Yesu, Mwokozi wangu.


3. Miguu hata mikono 

   inafurahi sana, kazi imekwisha.

   Nao moyo wataka 

   kukombolewa hivyo

   katika nguvu za mwovu.


4. Nafumba macho yangu, 

   nalala usingizi, sijui lolote.

   Wewe uangalie

   roho na mwili wangu,

   uliye mlinzi wetu mkuu.


5. Yesu furaha yangu, 

   unifunike sasa, unikumbatie.

   Uagize malaika 

   wanikingie shida,

   Shetani akinitaka.


6. Hata wapenzi wangu 

   nawaombea wote 

   wasione shida. 

   Mungu atawalinda 

   kwa jeshi la malaika 

   walale wote kwa raha.


Comments

Post a Comment

Popular posts from this blog

230. Mwezi Umechipuka

1. Mwezi umechipuka     na nyota zamulika     mbinguni popote.     Makonde yote kimya,    na kunako mabonde     ukungu mzuri unakaa.  2. Dunia imekuwa     nchi ya utulivu,    ni nyumba ya raha.    Viumbe vyenye taabu,    waume, wake, wana    na watulie usiku. 3. Tukiwa na kiburi,     tu wakosaji sana,     wapuuzi kabisa.     Twatunga vya uongo,    na maarifa yote    yametutenga na Mungu. 4. Utuonyeshe, Mungu,     wokovu wa kikweli,    tusijidanganye!     Tukae duniani    kama watoto wema     wamtegemeao Baba. 5. Na sasa ndugu zangu,     tuende kujilaza    kwa Jina la Mungu.     Atupe usingizi    sisi tuliochoka,    hata majirani wote!
Read more

151. Ee Moyo Wangu, Hima

1.  Ee moyo wangu, hima,     enenda mbinguni!      Ulimwenguni humu      hapana pa raha.     Mchungaji wetu Yesu     achungapo kondoo     ni penye raha kuu.      Enenda mbinguni! 2. Yeye akupokee,     Mungu Baba yako,     akuketishe pake     katika enzi kuu.    Atakuvika nguo    za wongofu wa Mungu,     akupa raha kuu.    Enenda mbinguni! 3. Nakutamani sana    Mwana Kondoo Mungu!     Ningepata mabawa     ningeruka pale,    wanaposhangilia     malaika wake Mungu     katika raha kuu.     Enenda mbinguni! 4. Mapenzi yako Bwana     ndizo haja zangu,     Utakalo lolote    nami nitatenda.    Naingojea siku     utakayoniita,     nipate raha kuu!...
Read more