162. Bwana, Twakuletea

1.  Bwana, twakuletea

    mtoto huyu, (watu hawa) 

    tukijua amri yako ya mwisho 

    uliyowapa mitume: 

    Watu wote wabatizwe,

    watakaokuwa wako.

 

2. Neno hili ni kubwa 

   tulilopewa na Yesu: 

   Atakaye kufika katika ufalme 

   wako,  

   hana budi kuzaliwa

   tena kwa maji na Roho.


3. Pokea kondoo wako

   Mchunga mwema Bwana Yesu

   Umwongoze mbinguni 

   (Waongoze mbinguni) 

   ndiwe njia na uzima. 

   Umpe kukutegemea 

   (wape kukutegemea) 

   apate kutengemana 

   (wapate kutengemana).


4. Baba, tunakusihi

   ukubali wimbo wetu, 

   usikie maombi 

   tunayokuomba sasa.

   Andika jina la mtoto 

   (Andika majina yao) 

   katika kitabu chako! 

Comments

Post a Comment

Popular posts from this blog

230. Mwezi Umechipuka

1. Mwezi umechipuka     na nyota zamulika     mbinguni popote.     Makonde yote kimya,    na kunako mabonde     ukungu mzuri unakaa.  2. Dunia imekuwa     nchi ya utulivu,    ni nyumba ya raha.    Viumbe vyenye taabu,    waume, wake, wana    na watulie usiku. 3. Tukiwa na kiburi,     tu wakosaji sana,     wapuuzi kabisa.     Twatunga vya uongo,    na maarifa yote    yametutenga na Mungu. 4. Utuonyeshe, Mungu,     wokovu wa kikweli,    tusijidanganye!     Tukae duniani    kama watoto wema     wamtegemeao Baba. 5. Na sasa ndugu zangu,     tuende kujilaza    kwa Jina la Mungu.     Atupe usingizi    sisi tuliochoka,    hata majirani wote!
Read more

151. Ee Moyo Wangu, Hima

1.  Ee moyo wangu, hima,     enenda mbinguni!      Ulimwenguni humu      hapana pa raha.     Mchungaji wetu Yesu     achungapo kondoo     ni penye raha kuu.      Enenda mbinguni! 2. Yeye akupokee,     Mungu Baba yako,     akuketishe pake     katika enzi kuu.    Atakuvika nguo    za wongofu wa Mungu,     akupa raha kuu.    Enenda mbinguni! 3. Nakutamani sana    Mwana Kondoo Mungu!     Ningepata mabawa     ningeruka pale,    wanaposhangilia     malaika wake Mungu     katika raha kuu.     Enenda mbinguni! 4. Mapenzi yako Bwana     ndizo haja zangu,     Utakalo lolote    nami nitatenda.    Naingojea siku     utakayoniita,     nipate raha kuu!...
Read more